- 4 -
1337 (8. stycznia) Wrocław.
Książę Bolko z Ziębic upoważnia czeskiego króla Jana I. Luksemburskiego do ponownego odkupienia miasta Dzierżoniów od książąt świdnickich za kwotę 2 tysięcy grzywien groszy praskich polskiej miary i wagi etc. etc.
— Nos Bolko dei gracia dux Slezie et dominus de Furstinberg et de Munstirberg damus et concedimus magnifico et excellenti principi domino nostro karissimo domino Johanni regi Boemie et comiti Luczembnrgensi castrum nostrum et civitatem Richinbach cum districtu ac aliis omnibus et singulis dominiis libertatibus pertinenciis suis et iuribus a serenissimis principibus patruis nostris Bolcone et Heinrico ducibus Swideniczensibus, quibus obligata pignoris titulo existunt, pro duobus milibus marcarum grossorum denariorum Pragensium Polonicalis ponderis et numeri exsolvendi et redimendi plenam et omnimodam potestatem, volentes ut idem dominus rex cum suis successoribus Boemie regibus castrum et civitatem Richinbach cum suis predictis omnibus appendiis, si nos et heredes nostros legitimis heredibus non relictis de hac luce quod absit migrare contingent (!), pleno iure et dominio possideant et habeant perpetuis temporibus. Sed premissis nullomodo obstantibus, quandocunque dicta castrum et civitatem cum aliis ipsorum appendiis a dicto domino rege in dictis pecuniis nos vel heredes nostri exsolverimus, extunc ipse dominus rex et suus capitaneus, quem ibidem prefecerit, statim nobis vel nostris heredibus de dicto castro et civitate ac aliis omnibus predictis et singulis suis pertinenciis sine dolo et absque difficultate et contradiccione qualibet cedere et condescendere tenebuntur. Harum quas siglllo nostro muniri fecimus testimonio literarum.
Actum Wratislavie anno domini millesimo trecentesimo tricesimo septimo feria quarta post festum epiphanie domini proxima.
Lehns- und Besitzurkunden Schlesiens und seine einzelne Fürstenthümer im Mittelalter. Herausgegeben von Dr. C. Grünhagen und Dr. H. Markgraf. Erster Theil. Leipzig 1881.